खेल र खेलकुदले हामीलाई स्वस्थ र कामको लागि फिट बनाउँछ।  खेलकुद हाम्रो जीवनमा धेरै आवश्यक छ। खेलकुदले हामीलाई फिट, सक्रिय, ताजा र सामाजिक बनाउँछ।यसले शरीरलाई उत्तम व्यायाम प्रदान गर्दछ। 

टोखा नगरपालिका वडा नम्बर २ मा २७ , पुस बाट  ब्याटमिन्टन प्रतियोगिता सुचारु भएको छ हाम्रो खेल हाम्रो स्वास्थ्य भन्ने मुल नाराका साथ टोखा नगरपालिकाले विभिन्न किसिमका खेल र खेलाडीलाई समेट्दै कार्यक्रमहरु आयोजना गर्दै आएको छ त्यसमध्ये ब्याटमिन्टन  पनि एक महत्वपूर्ण खेलको रुपमा चिनिएको छ । उक्त ब्याटमिन्टन खेलाडीलाई प्रोत्साहन गर्ने उद्देश्यले टोखा नगरपालिकाले वडा नम्बर २ मा  ४ दिने ब्याटमिन्टन प्रतियोगिता उद्घाटन  गरेको छ ।

यस ब्याटमिन्टन प्रतियोगितामा प्रमुख अतिथीकोरुपमा टोखा नगरपालिकाका नगर प्रमुख प्रकाश अधिकारी प्रमुख अतिथीको रुपमा उपस्थित   भएका  थिए।खेल र खेलाडी नगरपालिकाको अभिन्न अंगको रुपमा रहेको नगर प्रमुख अधिकारीले प्रष्ट पारेका थिए ।

उक्त   ब्याटमिन्टन  प्रतियोगिता सञ्चालनको लागि टोखा  नगरपालिकाले ठूलो सहयोग  गरेको खेलाडीहरुले  बताएका   थिए । उक्त कार्यक्रममा विशेष अतिथिको रुपमा टोखा नगरपालिका वडा नम्बर 2 का वडाध्यक्षको धर्मेन्द्र श्रेष्ठ  र वडा नम्बर ३ का  वडाध्यक्ष रमेश डंगोल रहेका थिए ।

नियमित रूपमा ब्याडमिन्टन खेल्दा मुटुको मांसपेशीलाई बलियो बनाउन र रक्तनलीहरू बन्द हुने जोखिमलाई सीमित गर्न मद्दत गर्न सक्छ।